Pentsioen gaia pil-pilean dagoela-eta, hitzaldia antolatu dute gaurko, horien inguruko azalpenak eta zalantzak argitu eta adinekoen beharrak zein diren adierazteko. Hernaniko Podemos-Ahal Duguk eman du hitzaldiaren berri, baina No+Precariedad plataformak antolatu du.
Biterin izango da, arratsaldeko 18:00etan hasita, eta alderdiak azaldu duenez, 20:00etarako bukatzea aurreikusten dute.
Lau gonbidatu, mahai-ingururako
Hitzaldia mahai-inguru moduan egingo dute, eta horretarako lau ordezkari gonbidatu dituzte. No+Precariedad plataformaren izenean Izaskun Urruzola bertaratuko da, eta berak moderatuko du saioa; Jose Luis Elosuak ordezkatuko du Nagusilan elkartea; Eibarko Altzoako Alargunen Elkartetik Arrate Aranceta izango da bertan; eta azkenik, Aina Vidalek ere hartuko du parte, Toledoko Akordioaren jarraipen-mahaian Elkarrekin Podemosen bozeramaile dena.
Herritarrei, deia
Gaiaren garrantzia ikusita, bertaratzeko deia egin die Hernaniko Podemos-Ahal Duguk herritarrei, eta bereziki animatu nahi dituzte adineko pertsonak eta pentsiodunak.