ASTIGARRAGAKO Udalak Guraso Elkarteak proposatu dion hitzarmena onartu zuen aurreko astean, ospatutako Hezkuntza, Euskara eta Gazteri batzordean. Dirulaguntza 7.467 eurokoa izango da aurten. Kopuru horren bidez eskolorduz kanpoko jarduerak eta guraso eskola bermatuko dira.
Akordio honekin bermatu nahi da elkartearen eta ikastolaren funtzionamendua kalitatezkoa izatea. Hortaz, eskola kirola eta igeriketa kanpaina bultzateko 17.000 euro bideratuko ditu. Aipatutakoak diruz laguntzeko Astigarragako Udala eta Herri Eskolaren arteko lankidetza hitzarmena onartu zen azkeneko kirol-batzordean.
Akordio horietaz aparte, beste ekimen bat bideratuko da Herri Eskolako zuzendaritzarekin batera, dagoeneko martxan dagoena: psikomotrizidade zerbitzu berezia. Jarduera 2016ean ere antolatu zen eta 1.296 euroko aurrekontua suposatuko du Udalarentzat. Aurten ia 26.000 euro bideratuko ditu Udalak Herri Eskolako ekintzetara.
Ikastolaren haundipena Eusko jaurlaritzak ordainduko du
Bestalde, udal gobernuak «hezkuntzarekiko konpromiso sendoaren baitan» herriko ikastolaren haundipena ahalbidetuko du. «Udal talde jeltzalearen gestioei esker, haundipena Eusko Jaurlaritzak ordainduko du, beraz obrak kostatuko dituen ia bi milioi eta erdiak ez dira Astigarragako udaleko partidetatik atera beharko».