Hileko azkeneko asteartean ez, gaur egingo dute martxoko plenoa, astebete aurreratuta, Aste Santuagatik. Udaletxeko pleno aretoan izango da, arratsaldeko 19:00etan, eta soilik lau puntu landuko dituzte.
Abenduko eta otsaileko aktak onartzea izango da aurrenekoa, eta martxoko dekretuen berri ematea bigarrena. Gero, landuko dute berrestea otsailaren 26ko dekretua, Gipuzkoako Hondakin Kontsortzioak 2018 urterako onartutako tarifen aurkako errekurtsoa jartzeari buruzkoa.
Eta azkenik, mozio bat eztabaidatuko dute, Duintasuna Gipuzkoako Jubilatu eta Pentsiodunen elkarteak aurkeztutakoa. Bertan, jaso dituzte jubilatu eta pentsionisten eskaerak: %0,25eko igoerarekin apurtzea, 1.080 euroko pentsio minimoa ezartzea, KPIa erreferentzia bezala hartzea igoerak aplikatzeko, eta Babes eta Segurtasun Sozialerako erakunde propioa sortzea EAEn.
Aurretik, Hirigintza Batzordea
Plenoaren aurretik, Hirigintza eta Ingurumen Batzordea ere bilduko da, 18:00etan, udaletxeko 1go bilera gelan.