Trafikoaren erregulazioa, neurri azpimarragarriena

Udalak Portu eta Elizatxoko espazio publikoa hobetzeko eta bizilagunen mugikor­ta­suna hobetzeko hiru urteko pla­na prestatu du.  Plangintza honen ardatz nagusiak hiru dira: trafikoaren erregulazioa, espazio publikoaren eralda­keta eta oinezkoen konexioen hobekuntza.  
Gauzatzeko epeei dago­ki­enez, hiru urtetan egitea au­rreikusten du Udalak (2018-2021). Trafikoaren erregu­la­zioa lehenengo neurria izango da, Aste Santuaren ondoren mar­txan jarriko da, eta espa­zio publikoaren eralda­ketaren lehen urratsak aur­tengo udan hasiko dira.

Eskola egunetan 20 minutuz etenda egongo da trafikoa
Elizatxo Ikastolaren ingu­ru­etan, sarrera-irteera orduetan pilatzen diren ibilgailuek se­gur­tasun arazo bat sortzen dute. Guraso askok autoz era­maten dituzte haurrak ikasto­laraino eta horrek arrisku egoerak sortzen ditu, bai auzo­kideentzat baita oinez ibiltzen diren guraso eta haurrentzat ere.
Arrisku hori murriztu nahian, Oindi kalean, eskola egunetan, ibilgailuen pasoa 20 minutuz etenda egongo da, sarrera-irteera orduetan (sa­rrera 8:45-9:05 eta irteera 16:15-16:35).
Larrialdietan eta kasu oso berezietan soilik pasatzea eskatzen da. Ordu zehatz horietan sartu edo irten behar duten bi auzoetako bizila­gunek txartela eska dezakete HHZn eta bi auzo elkarteen egoitzetan.
Trafikoaren mugatze hori apirilaren 16tik aurrera jarriko da martxan eta ikasturtea bu­katzen denean baloratuko da.
Larramendiko sarreratik:  1go abisua (seinaleen bidez): Larramendi-Elkano bidegu­ru­tze­an.
2garren abisua (seinaleen bidez): Larramendi-Oindi.
Kontrola (hesiaren bidez): Leokako Labaderoan. Udal­tzainek errepidea itxiko dute trafikora eta gurasoek gelditu eta bertan umeak uzteko au­kera izango dute. Leokako laba­deroko aparkalekuan buel­­ta eman ahalko dute.
Portuko sarreratik: Kon­trola (hesiaren bidez): Shangai taberna parean. Autobusek ere bertan emango dute buelta.
8:45 baino lehenago doazen gurasoek libre dauden ohiko aparkalekuetan utzi ahalko dute ibilgailua. Plan horren asmoa da, ahal den neurrian, ikasleak eskolara oinez joatea sustatzea.

Espazio publikoaren eraldaketa
Oinezkoei lehentasuna ema­teko neurri grafikoak pro­po­sa­tzen dira: lurra gorriz mar­gotzea, maila igotzea, erre­pidea zati batzuetan estutzea, apaintzeko elemen­tuak jar­tzea… Ibilgailuen abiadura jaitsiarazteko eta oinezkoei espazioa hartzera gonbidatzen dituzten neurriak, alegia.
Trenbidearen azpiko tune­laren barrualdea eta tune­la­ren Shangairen arteko kale­aren egokitzapena izango dira hartuko diren lehen neurriak. Ondoren egingo dira auzo­eta­rako sarbideen hobekun­tzak.

Oinezkoen konexioen hobekuntza
Neurri horiek osatuko dute plan­­gintza eta nabarmen­tze­ko­ak dira Pipiritako aldaparen zati bat zabaldu eta oinezkoen lehentasuna markatzeko ban­da bat margotzeko lanak. Horren lehentasuna epe luze­koa da.

Udala, auzotarrak eta eskola komunitateak elkarlanean egindako parte hartze prozesuaren emaitza
Auzoetako bizila­gunak eta es­kola komunitatea -ikasto­lako arduradunak eta gura­soak- parte-hartze prozesu batera gonbidatuta egon dira. Bertan parte hartu dutenekin batera erabaki eta diseinatu du Uda­lak plana.
Aspaldikoak dira Elizatxo eta Portu auzoetan mugi­kor­tasun arloan dauden kora­pi­loak. Parte-hartzaileek egin­da­ko diagnostikoa, propo­sa­me­nak/neurriak aholkula­ri­tza teknikoarekin batera landu eta adostutako proiek­tuaren emai­tza izan da ostegunean aur­kez­tu zen plana.