Master eta maila herrikoian martxa nagusi eta garrantzitsu asko maiatzatik aurrera izaten dira. Dagoeneko Petritegi Astigarraga Taldea Mallorca 321 martxan eta Rompepiernas Sos del Rey Catolicon egon da; Jon Blanco eta Mikel Arriaga astigartarrak, eta Ibon Iriondo hernaniarrarekin. Bi lasterketa hauetan emaitzak ezin hobeak izan dira, ontzat emanez negu luze honetako entrenamentu gogorrak.
Datozen bi aste bukaeretan bi erronka garrantzitsu dituzte: Los 10.000 del Soplao Cabezon de la Sal-en, 162 kilometrotakoa eta 5.000 metroko desnibela duen lasterketa, hau mendiko bizikletarekin. Eta Desafio Titanica; hau Oropesan, 291 kilometro eta 5.600 metroko desnibelarekin. Erronka polita baina oso gogorra da. Erlojuaren kontrako lau txirrindulariz osaturiko taldeek burutzen dute.
Ezin daiteke ahaztu etxe ondoan, Zarautzen, burutuko den Haimar Zubeldia&Zarautzko Klasika Zikloturista. Bertan ere izango dira.
Gero ekaina iritsiko da eta honekin batera entzute eta izen haundia duen Quebrantahuesos martxa zikloturista. Astigarragako beste zikloturista asko bezala ere bertan izango dira.
Asteburu lasaia lasterketetan
Lasterketa gutxitan parte hartu zuten astigartarrek pasa den asteburuan. Jaime Romerok bizikleta puskatu zuen Abadiñon eta ez zuen amaitu. Gipuzkoako infantil eta alebin Txapelketan aritu ziren Tasio Semperena eta Aketza Bolado. Lehenengo kanporaketa ez zuten pasa.