Lehenago egin bezala, EAJ-PNVk salatu du «EH Bildu egiten ari den udaltzaingoaren kudeaketa txarra, eta udaltzainek formakuntza eta materiala falta» dutela. Aurretik salatu duten arren «arazoa ez da konpondu», Andoni Amonarraiz, bozeramailearen esanetan.
«Lan eskubideak errespetatu behar dira»
EAJk beste hainbat gauza ere salatzen ditu oharrean: «agiri profesinalik gabeko udaltzainen 12 orduko lanaldiak txotx denboraldian; babes pertsonalerako elementu eskasak; informazioa eman eta salaketak jartzeko beharrezkoak diren baliabide informatikorik gabeko informazio etxola; bertara bideratutako udaltzainei barrura sartzeko ezarritako debekua, nahiz eta elurra egin; beren lana egiteko beharrezkoa den arropa nahikorik gabeko udaltzain berriekin, eta denak, berri eta beteranoak, euritarako edota hotzetik babesteko nahikoa arroparik gabe».
Horrez gain, «jende askoren pilaketak kudeatzeko eta babes pertsonalerako formazio falta» ere salatu du. Baina txotx denboralditik kanpo ere, egoera txarra dela dio EAJk: «opor edo baimen eskaeren erantzunak berandu ematen dira (...), falta dira kono, hesi, zinta eta abarrak».
Guztiaren aurrean, EAJk dio «lana behar bezala egiteko baliabide fisikoak eta formazioa behar dituzten funtzionarioak» direla udaltzainak. «Lan eskubideak errespetatu behar dira, eta horrela sahiestuko litzateke
Hernanin fijo dauden udaltzainen ihesak jarraipena edukitzea».