Azken lau jardunaldiak besterik ez dituzte falta denboraldia bukatzeko, eta CD Hernaniko Nazional mailako mutilen Jubenilen Ohorezko taldeak garaipena beharrezkoa du, jaitsiera postuetatik aldentzeko.
Hori lortzen saiatuko da igande honetako partiduan, eta zaleen babesa eskatu dute, zuzeneko aurkariaren kontrako indarrak emateko. Zubipen izango da norgehiagoka, igandean, 17:30etan, Getxoren kontra.
Goranzko joerari eutsi nahia
Sailkapen nagusian, 16 talderen artean 13garren dijoa Hernani, eta lau puntu gehiagorekin, postu bat gorago dago Getxo.
Denboraldiari dagokionez, baina, badirudi goranzko joerari heldu diola Hernanik; Gabonen aurretik, 10 partidu galdu zituen, bost segidan, azaroan, eta 4 berdindu eta 3 irabazi. Urtarriletik hona, ordea, txandaka, 4 galdu, 2 berdindu eta 3 irabazi ditu; azkena galdu egin du Athleticen kontra, baina aurrekoa irabazi egin zuen, 6garren dijoan Txantrearen aurrean.
Getxok, berriz, emaitza kaxkarragoak izan ditu Gabonetatik hona; abendutik urtarrila bukatu arte, 6 partidu galdu zituen segidan; bi berdinketa eta garaipen bat lortu ditu otsailean, eta bana galdu eta irabazi ditu martxoan; azkena, irabazi.
Gauzak horrela, lehia estua izango da igandekoa, eta Hernanik gogor borrokatuko du, salbaziorako behar dituen 4 puntuetatik 3 irabazteko.