Hernani’n Musikak udaberri honetarako antolatutako musika emanaldietan bigarrena izango denaz gozatzeko aukera izango da gaur Biterin, 20:00etan: Hots larretan. Sarrerak salgai daude, 7,5 euroan.
Hots eta soinuen barrenako bidaia
Juan Mari Beltran, herri musikan aditua eta urteetan ‘Hernani’ Musika Eskola Publikoan txalaparta, txistu, dultzaina eta alboka irakasle izandakoa ariko da gaur, Errege Belda akordeoi-jole eta Ixiar Jauregi txalapartari hernaniarrekin batean.
Isturitzeko leize-zuloko flautak, adarren deialdiak edota txorien kantuak ekarriko dituzte gogora, Andoni Salameroren olerkiek lagunduta.