Lakuara gaur, eta Hernanitik Donostiara bihar

Hezkuntza komunitateak gaur eta bihar egingo dituen grebekin salatuko du, besteak beste «EAEn hezkuntzara bide­ratzen den inbertsioa Europar Bata­su­neko bataz bestekotik oso urrun» dagoela, eta «2018ra­ko Eusko Jaurlaritzak, ‘historiako aurrekontu haun­die­nak’ izan­da, hezkun­tzara 2010ean bai­no gutxiago bide­ratu nahi du­e­la». 

Hernani eta Ereñotzuri dagokienez, Elizatxon irakasle eta hezitzaileen ia %80k egingo du greba, %66k Urumean, zer­bitzu minimoak emango dituz­te Txirritan, eta «hez­kun­tza ekin­tzak etetea era­ba­­ki du Lan­gile ikastolako Langile Ba­tza­rraren gehien­go­ak». Her­na­ni BHI Insti­tu­tuan ez dute da­turik jaso.

Bihar zutabea, Donostiara
Gauzak horrela, Elizatxo, Uru­mea, Langile, Txirrita, Her­na­ni­ko Institutua, Aran­tza­zu­ko Ama LH/BHI eta Ikasbidek bi mo­bilizazio deitu dituzte. Gaur, Gasteizera, Lakuara joan­go dira manifestazioa egite­ra.

Bihar, berriz, 09:30etan Zin­­­koeneatik atera, eta Do­nos­tiako Boulevardetik 12:00etan aterako den manifes­tazioa­re­kin bat egiteko dei egin dute, Astigarragatik 10:15etan, Mar­tu­tenetik 10:45etan eta Ikas­bi­de pareko bidegorritik 11:15etan pasako den zutabera batuta.