Hernaniko JOCC txirrindulari elkarteak Peña Otaño saria antolatu du aurten ere, larunbaterako. Arratsaldeko 16:00etan hasita, Hernani eta inguruetako alebin eta infantil mailetako 80 bat txirrindulari gaztek hartuko du parte lasterketan. Hura bukatuta, gynkana lehiaketa ere egingo da, bigarren urtez.
Honen ondorioz, trafikoan aldaketak egingo dira.
Autobus geltokia, anbulatorio parean
Lasterketa Urbieta kalean hasiko da, Karrero parean, eta ertzain etxea dagoen errotondara egingo du. Handik Latsunbe kalean behera Zinkoeneara joko du, eta handik, Txirritan gora, berriro Urbietara.
Ondorioz, trafikoan mozketak egingo dira, eta Urbieta kaleko autobus geltokia anbulatorio parera mugituko da.