Abuztuan hil zen Fernando Ederra, musikari eta musika irakaslea, eta, omenaldi bat egiteko asmoa azaldu dute hainbat lagunek. Ekitaldirako data ere proposatu dute: ekainaren 22a.
Musikaria ezaguna zen oso, eta antolatzaileak seguru daude jende gehiagok hartu nahi izango duela parte ekitaldian: ikastetxeetako lankide eta ikasleek, gitarra ikasleek, lagunek, musikariek... Horregatik, bilera irekia deitu dute, hil honen 19an, astelehena, 18:00etan Sandiusterrin. Orain arte egin diren proposamenen berri emango da, eta berriak jasotzeko prest daude aztarna@aztarna.com helbidean.