Aimar Mujika eta Ekain Lizeaga txapeldun, trinkete txapelketan

Gorabeheratsua izan da as­teburua Astigarragako pelo­ta­­ri­en­tzat. Gaztetxoen aldetik eto­rri dira albiste onak: txa­pela lortu dute Ekain Lizeaga eta Aimar Mujika kadeteek, Gipuzkoako Trinkete Txapel­ke­tan, Oiarpe 1 taldeari 40-26 emaitzarekin. 
Infantil talde­ko Aner Ur­dangarin eta Eñaut Lizeaga, al­diz, Gipuzkoako Lau t’erdi­ko txapelketako finalean, Her­­­naniko bikotearren au­rre­an 18-10 galduta. 

Gurutzealde, azpitxapeldun
Kadeteek bezalaxe, Gipuzko­a­ko Trinketeko Txapelke­ta­ren fi­nala jokatu zuen Oier Gu­rutzealde astigartarrak ere, Behar Zana taldearen izene­an; baina azpitxapeldun izen­datu zuten, Urnietaren kontra 40-10 galdu ondoren. Partidu zaila izan zela onartu du Gu­rutzealde berak, eta aukera gu­txi izan zuela txapela esku­ratu ahal izateko.
Atzo, aldiz, jakinarazi zio­ten GRAVNI txapelketarako aukeratu izan zela Gipuzkoa ordezkatzeko, eskuz banaka­ko kategorian. Eta atzo bertan jokatu zuen aurreneko par­tidua Iruñean, Nafarroaren kontra.