Ikasturte honetako bigarren greba-bolada hasiko dute gaur, Hezkuntza Komunitateko langileek. Gaurko eta biharko deialdia orokorra da, lanpostu guztiei eragiten die; aurrerago, sektoreka egingo dute greba, asteka.
Gaur, Gasteizera
Grebarekin Astigarraga Herri Eskolako irakasleriaren «gehiengoak» bat egingo duela adierazi du eskolak. Aldarrikapen horiek kalera eramateko aprobetxatuko dute; horretarako, Gasteizen egingo den manifestaziora joango dira.
Astigarragatik goizeko 10:15etan pasako da Urumea bailarako zutabea, bihar.
Zutabeak Donostiara, bihar
Bihar, aldiz, zutabeak antolatu dituzte Urumea bailarako ikastola publikoek; Hernanitik abiatu eta Donostiara iritsiko dira.
Hain zuzen, Hernaniko Zinkoeneatik abiatuko dira 09:30etan; 10:15etan geldialdia egingo dute Astigarragan; Martutenetik pasako dira 10:45etan; Ikasbide pareko bidegorrian elkartuko dira 11:15etan, eta Bulebarrera 12:00ak aldera iritsiko direla aurreikusten dute, orduan izango baita manifestazio orokorra.