Naturan artzainek topatu eta imitatu dituzten soinuak musikatu ditu Juan Mari Beltran, herri musikan adituak, Hots larretan ikuskizunean, eta Biterin emango du ostegunean, Errege Belda soinu-jole eta Ixiar Jauregi txalapartari hernaniarrekin.
Emanaldia 20:00etan hasiko da, Biterin, eta sarrerak salgai daude, 7,5 euroan.
Olerkia, musika eta erritmoa
Hainbat soinu-tresna erabiliko dituzte emanaldian: akordeoia, txirula, ttunttuna eta txalaparta, alboka, txanbela, txistua, klarinetea, dultzaina...
Horri guztiari, Andoni Salameroren olerkiak gehituko dizkiote, eta horrela osatuko dute sinfonia, aretora ekartzeko Isturitzeko leize-zuloko hotsak, adarrenak edo txorien kantuak.