Martxoaren 10ean eginen dute bigarren jardunaldia, Goizuetan lan eta bizi dinamikaren baitan.
Arratsaldeko 18:00etan izanen da, udaletxeko ganbaran, eta aurreratu dute, berezia izanen dela oraingoa: martxoaren 8a Emakumeen Eguna izanda, emakume nekazarien gaia landu nahi dute bereziki. Horregatik, Maite Sanchez abeltzain goizuetarra eta Gotzone Sestorain gaztagile leitzarra izanen dira gonbidatuak.
Elkarlanean antolatu dute, Gizarte Zerbitzuetako Berdintasun Sailak, Udalak eta Cedernak.