Laster hasiko dira lanak, Errekatxoko parkea berritzeko

Errekatxo plazako parkea berri­tu­­ko du Astigarragako Uda­lak, eta jakinarazi due­nez, laster hasiko ditu lanak. Anbu­la­to­rio ondoko plaza berrur­ba­ni­za­tu­ko dute horretarako, aurrena, eta gune berdeak mu­rriztuko dituzte, jolastokia haunditzeko lekua egiteko.

Eta horrela, jolaserako gu­nea haunditu eta berrituko dute gero, 10 urte bitarteko haurrei zuzenduta dagoena.

Errekatxo plaza berrurbanizatu eta gune berdeak murriztuko dituzte aurrena, jolastokia haunditzeko.

Gainera, parkea berritu ba­karrik ez, estalpea ere ja­rri­ko dute, «parkea erabili ahal izateko urteko hilabete guz­ti­etan», azaldu dute.

2017ko Aurrekontu Parte­har­tzaileen prozesuan eskatu zuten herritarrek, haurren­tza­ko parkeak berritu eta estal­tzea. «Astigarragako gurasoek beharra ikusi dute, zahar­ki­tu­ta dauden jolastoki batzuk berritu eta estaltzeko, eta eskaera horri erantzun nahi diogu», adierazi du Udalak.

Horregatik, berrituko dute Errekatxoko parkea, eta espe­ro dute, lanak bukatuta ego­tea udaberrirako. Obrak, guz­tira, 100.000 euro inguruko kostua izango du.