Emakumeen Eguna, gaur greban

Emakume  Langilearen Nazio­arteko Eguna gaur aldarrika­pe­nez beterik dator. Inoiz baino gehiago. Izan ere, ema­kumeen nazioarteko greba­rekin bat egin du Euskal He­rriko Mugimendu Femi­nistak, eta dei argia luzatu du egun ho­rretarako: Emakumeok plan­to!
Eta bi galdera planteatu di­ra: «emakumeok planto egin­go bagenu? Eta egiten dugun guztia egingo ez bagenu?» gaur jakingo da bi galdera horien erantzuna.
Guztiek bat egin de­zaten grebarekin, modu ba­te­ra edo bestera, zazpi aukera ezberdin planteatu dituzte: la­nuzteak egitea, mobilizazioetara joa­tea, amantalak edo ho­rre­lakoak balkoitik zintzilika­tzea, merkatuan kontsu­mi­tzeari uztea, greba zabaldu eta an­tolaketan parte hartzea, zain­tzeari uztea, eta besoko morea janztea.

Lau orduko lanuzteak, eta bi mobilizazio Hernanin
Lanuzteak egiteko, lau orduko bi tarte zehaztu dituzte: goi­zean, 11:00etatik 15:00etara; eta arratsaldean, 18:00etan hasi eta 22:00ak arte. 
Mobilizazioe­ta­rako, berriz, bi ordu nagusi zehaztu dituz­te: eguerdiko 12:00etan, San­dius­terrin eta ilun­tzeko 20:00­etan Plaza Berrin. Ordu horietan egingo dituzte ekin­tzak edota manifes­tazioak, herriz herri.

Grebarekin bat egiteko beste bost aukera
Denek ezin dutela greba egin esan dute; eta horregatik eman dituzte beste bost au­kera, grebarekin bat egiteko, bakoitzak bere neurrian, sin­bolikoki besterik ez bada, behintzat. 
Aman­talak, erra­tzak edo beste tresnaren bat balkoitik zintzilikatuta, zaintza lanak azaleratu nahi dituzte.
Kontsumitzeari uztearena, berriz, «langileen es­plo­ta­zio­aren ikur diren en­presa haun­dien» kontrako ekintza da, batez ere. Greba za­baltzeko deia ere luzatu dute, eta nork bere eskualdeko ekin­tzak an­to­latzen parte hartzeko. Zain­tza lanak uztean, ez dutena nahi da beste emaku­meen esku uztea, gainerakoen esku baizik. Eta bat egiteko az­keneko modua, sinbolikoa da: besoko morea janztea.

Emakume jubilatu eta pentsiodunek ere, planto
Greba deialdiarekin kolektibo desberdinek egingo dute bat. Horien artean daude, ema­ku­me jubilatu eta pentsiodunak. Hala jakinarazi zuen Duin­ta­su­­­na elkarteak; Gi­puzkoako Ju­bilatu eta Pentsio­dunen el­karteak, hain zuzen ere: «ez dugu erosketarik egingo, ez dugu otordurik prestatuko, eta ez dugu zaintzarik beteko. Beti lan eta lan, mar­txoaren 8an planto!».
Planto egingo dute, baita ere, Gaztelekuko emakume hezitzaileek ere, eta gizonez­koek hartuko dituzte beraien ardurak. Eta baita Iturola el­karlan sorguneko emakume ekintzaileek ere; gizonezkoek eskainiko dute zaintza zerbi­tzua  11:00etatik 15:00­etara

Ekintzak, Goizueta, Arano eta Astigarragan
Uru­mea bailaran greba deial­diari eta mobilizazioei, ba­­tuko zaizkie herriz herri. Eta Goi­zueta eta Aranoko he­rri­tarrek ere, ekintzak izanen dituzte gaur. Goi­zu­etan, kon­tzentrazioa eginen dute, Plazan; eta ema­kumeen afaria on­doren.
Aranon, 14:30etan emaku­meen bazkaria egongo da eta  Pino Vicedo herri­ko artisau­aren ilustrazio era­kus­­keta ja­rriko dute. Asti­garragan ere izango di­ra ekintzak. 12:00­­etan, Emaku­meon pla­zan egingo dute elkarre­ta­ratzea, grebarekin bat eginez. 18:45­etan, Foru pla­zatik abiatuta kazerolada antolatu da.