Marmotaren Eguna, Zarkumendegin

Azkeneko hamar minutue­tan Beñatek garaipenaren gola sar­tu, eta bukaera-bukaeran Aitorrek penaltia gelditu, hiru puntuak ziurtatzeko. Aurreko partiduaren kronika dirudi, bai­na asteburu honetan ger­ta­tu da... berriro. Marmo­ta­ren Egu­na izan zen Zarku­men­de­gin: bukaera berdin-berdina izan zuen partiduak.
EAS 08 taldearen bisita jaso zuen Mundarrok, lauga­rren sailkatua. Donostiarrak nagusi izan ziren hasieratik, eta ordu erdira lortu zuten aurreneko gola.
Baina beste itxura bat hartu zuen partiduak, atse­de­ne­tik bueltan. Akatsak zuzen­du eta aldaketak eginda, de­fentsan serio eta erasoan era­ginkor aritu ziren moreak, eta bigarren zatiaren erdialdera ber­dindu zuten, Simonen erdi­ratzea inork ikutu gabe sartu ondoren. Eta hamar minu­tu­ren faltan, 2-1ekoa egin zuen Beñatek, Igorren pasea apro­be­txatuz. Luzapenean, parti­dua erabakitzeko aukera izan zu­ten moreek, baina apro­be­txa­tu ez, eta hurrengo jokaldian penaltia egin zuten, berdin­tze­ko aukera emanez talde donos­tia­rrari. Bukaera, ordea, Urnie­taren kontrakoa bezala­koa izan zen: Aitorrek penaltia gelditu, eta hiru puntu asti­gartarrentzat.