Mugimendua sortua dago Euskal Herriko pentsiodunen artean, pentsio duinen aldeko borrokan. Eta orain, Hernanira iritsiko da burrunba hori.
Hiriburu guztietan, eta hainbat herrietan hasi ondoren, gaur egingo dute aurreneko kontzentrazioa Hernaniko pentsiodunek. Plazan elkartuko dira eguerdiko 12:00etan, ordu erdiz, 12:30ak arte.
Gainera, hasiera besterik ez da izango, izan ere, astelehenero errepikatuko dute, bere fruituak ematen dituen arte.
%0,25eko igoeraren kontra
Pentsiodunen elkarteek aurreko asteetan azaldu dutenaren arabera pentsio publiko duinak aldarrikatzera dijoaz. Izan ere, «pentsiodunak erosahalmena galtzen ari dira». Eta Espainiako Gobernuak iragarritako %0,25eko igoeraren aurka agertu dira.
Pentsio duinen defentsan, pentsiodunen elkarteek eskatu dute «pentsioak KPIaren (edo IPC delakoaren) maila berean igotzea».