Hasierako helburua gainditu egin du berriro ere Euskara Ari Du elkartearen Baietz Hernanik! erronkak. Ehun lagun bildu nahi zituen martxotik abendura bitarte euskerari eusteko, eta hori bakarrik ez, 111 erronkalarik eman dute izena hilabete honetan. Eta ongietorria emateko, Estitxu eta Tturkok eskaini zizkieten bertsoak.
Horrekin batera, liburutegiko balkoian ikusgarri jarri zuten erronkalari kopurua. Denera 236 lagunek ekin diote jada hizkuntza-ohitura aldatu, eta euskerari keinu txikia egiteari.
Izenematea, irekita
Apirilean beste hainbeste batzeko asmoa daukate, eta horretarako eman daiteke izena: www.euskaraaridu.eus.