Energia garbia erabili eta nola aurreztu ikasi nahi?

Aukera izango da gaurkoan, Joseba Barandiaran plazan ja­rri­ko den Energia Azokan, energia berriztagarriak ezagutu eta hauek erabiltzeko dauzka­gun aukerak zein diren gertutik ikasteko.

Hala aurkeztu zuten atzo, pren­tsaurrekoan, Zoriona Etxe­zarraga alkateak, Jose Ignacio Asensio ingurumen diputatuak eta Isidro Zaldua, azoka jarriko duen Usurbilgo Lanbide Es­ko­lako zuzendariak. Denen arteko «elkarlana» azpimarratu zuten.

Jakintza gizarteratzen
Zalduak azaldu bezala, Usur­bilgo Lanbide Eskolan urteak daramazkite energia berriz­ta­ga­rriekin eta hauen era­gin­kor­ta­suna hobetzearekin lanean, eta hainbat proiektu garatu dituzte, Gipuzkoako Foru Al­dun­diarekin elkarlean. 

Ba­te­tik, administrazioan energia be­­rriztagarriak ezarri edota erabiltzen diren gailuen efi­zien­tzia hobetzeko ikastaro tek­nikoak ematen dituzte. Era be­rean, teknikariei zu­zen­du­ta­ko jardunaldiak ere antolatzen di­tuzte, kiroldegietako man­te­ni­mendura, eraikuntza ja­san­ga­rrietara eta administrazio eta enpresetara bideratuta. Eta az­kenik, energia berriz­ta­ga­rrien inguruko ezagutza eta erabilpena gizarteratzeko, azo­kak antolatzen dituzte; gaur As­tigarragan egingo dena bezala.

Bisita gidatua eta haurrentzako txokoa
Goizeko 10:00etatik 14:00etara, hainbat postu jarriko dira Joseba Barandiaran plazan, energia berriztagarriak zein diren ikusi, ezagutu eta nola funtzionatzen duten ikasteko. Irakasleek behar diren azal­pe­nak emango dituzte; esa­te­ra­ko, etxean gailu horiek nola instalatu ikasteko.

Bestalde, haurrentzako txo­koa ere jarriko da; opariren bat lortzeko aukera ere izango dute.

Azkenik, bisita gidatuak egingo dira 11:30etatik 12:30e­tara, biomasaren inguruko pos­tutik hasita. Ezagutu ahal izan­go dira efizientzia ener­ge­ti­koan laguntzen duten gai­lu­ak (isolamendu motak, led bon­bilak...) eta energia berriz­ta­garri motak (fotovoltaikoa, ter­mikoa, biomasa...).

Faktura elektrikoan aurrezteko, Gipuzkoa Argitu
Beste postu berezi bat ere izan­go azokan, Gipuzkoako Foru Aldundiak jarria: Gipuz­koa Argitu. Bertan, nork bere etxeko faktura elektrikoa az­ter­tzeko laguntza jasoko du, hura ulertu, eta nola aurreztu dezakeen ikasteko.

Asensiok prentsaurrekoan azaldu bezala, «eguneroko la­na eta herritarrekin zuze­ne­an egin beharrekoa da», egungo tek­no­logia berriek energiaren efizien­tzia­rako ematen dituz­ten au­ke­rak ezagutzea. «Eza­gu­tza za­baldu behar da. Ez da hain zaila eta garestia, tek­no­lo­gia hauek etxeetan aplikatzea».

Udala ere, «bide jasangarri eta iraunkorren alde»
Etxezarragak bere aldetik azal­du zuen «Udaleko Ingurumen Sai­lak bide jasangarri eta iraun­­ko­rrak jarraitzearen al­de­ko apus­tua» egina duela.

Bide horretan, azpi­marratu zuen, plan energetikoa mar­txan jarri zela 2017ko urrian, udal argi­teriak aldatzeko. «1.035.000 euro» bideratuko  dira horretara, beharrezkoa den denboran aldaketak egiteko. «Konpromisoa dugu energia berriztagarri eta jasangarrien alde».