Aste Santua gerturatzen ari dela-eta, tailerrak eta ludoteka antolatu dituzte kiroldegiak, kultur etxeak eta Xaguxarrek, eta denetan izena eman behar da aurretik. Xaguxarrek ludoteka zerbitzua emango du ikastolan, 2006-2014 urte bitartean jaiotako haurrentzat, martxoaren 26tik 28ra eta apiriralaren 3tik 6ra, goizetan. Izenematea martxoaren 8an itxiko da: info@xaguxar.org. Kiroldegian, berriz, martxoaren 5etik 16ra izango da izena emateko aukera: kiroldegia@astigarraga.eus. Kasu honetan, Jolas Txiki antolatu da 2013-2016 artean jaiotakoentzat, bi txandatan: martxoaren 26tik 28ra edo apirilaren 3tik 6ra. Azkenik, kultur etxean, 2006-2012 artean jaiotakoentzako tailerrak emango dira egun horietan. Izenematea: 943 33 50 64.