Biterin jarri du zita gaur, Euskara Ari Duk, Baietz Hernanik! egitasmoaren bigarren hilabeteari hasiera emateko. Bertan ekingo diote erronkari, martxoan hasiko diren erronkalari berriek. Aholku saioa izango dute 12:00etan, eta identifikatzaileak ere banatuko dizkiete. Eta ondoren, 12:45etan, ekitaldia egingo dute, Biteri aurrean. Bertso eskolako bi kidek, bertsotan kontatuko dute, zein den beraiek hartutako erronka, eta nola dabiltzan.
Eta bukatzeko, taldeko argazkia aterako dute; erronkalari guztiak, otsailekoak eta martxokoak, deitu dituzte bertaratzera, argazkirako.