Festa antolatu du gaur, Intifada Marikak, Hernanin: Barrika Marika festa egingo dute, Tilosetan eta Kontrakantxa gaztetxean, arratsaldean hasi eta gauera arte.
Txotx egiten hasiko dute festa, Tilosetan, arratsaldeko 18:00etan. Eta gero, 19:00etan, manifestakzioa egingo dute, Tilosetatik bertatik abiatuta. Horretarako, banderak eta transformatzeko arropa eta konplementuak eramatea eskatu diete herritarrei.
Herri kir(r)olak izango dira Tilosetan, azkenik, festa Kontrakantxa gaztetxera mugitu aurretik. Bertan, luntx beganoa eta musika izango dira, disko jartzaileen eskutik.
IV. Topaketa Marikarako dirua biltzeko festa izango da, eta herritarrak gonbidatu dituzte, «eztarriak busti, aldarrikatu, jolastu, jan goxoaz gozatu eta dantzatzera. Animatu zu eta ingurukoak, Hernani marikoneatuko dugu eta!», animatu dute.
‘BARRIKA MARIKA’, gaur
-18:00, Urrezko Zaparrada txoootx!, Tilosetan. Edalontziak eraman.
-19:00, Manifestakzioa, Tilosetatik. Banderak eta transformatzeko arropa eta konplementuak eraman.
-20:00, Herri kuir(r)olak, Tilosetan. Ondoren, poteo marika.
-22:00, Luntx beganoa, Kontrakantxa gaztetxean. 5 euro.
-23:30, Festa, Kontrakantxa gaztetxean: Maitia eta Marikarmen DJak (Maritxu, nora goaz?), DJ Major Tom, eta DJ Okerreko.
Eskerrak: Hernaniko Sexu Askapenerako Taldeari eta Kontrakantxari.