Atzo bete zituen 70 urte, Hernaniko Lanbide Heziketak. Eta egun seinalatuan, bost lagun omendu zituzten: eskolaren aurreneko belaunaldiko hiru ikasle, Eusebio Muñoa, Juan Mari Navarro eta Martin Zugasti; eta bi irakasle, Cruz Etxeandia eta Eduardo Manzanedo. Hala ere, gogora ekarri zuten, 15 ikasle eta bi irakasle zirela: «oso talde ona izan genuen».
Atzoko omenaldian, aurreskua dantzatu zieten aurrena; ondoren, bideo bat jarri zuten, eskolaren historiari errepasoa eginez; eta azkenik, oroigarri bana eman zieten, egungo ikasle eta irakasleek.
Baina bueltan ere jaso zuten oparia: eskolan egindako pieza guztiak eraman zituen haietako batek, eskolarentzat. «pieza hauek altxorra dira guretzat», eskertu zioten. «Zuek bide hau hasi ez bazenute, gu ez ginen ezer izango», bukatu zuen egungo ikasle batek.