Iragarpenak bete egin dira, eta elurra egin du txoko guztietan, baita Urumea bailaran ere. Horrek eraginak izan ditu kalean eta herritarrentzat:
- Eusko Jaurlaritzak aholkatu du kotxea ez hartzeko, behar-beharrezkoa ez bada.
- Autobus zerbitzuak etenda daude: Garayarreko autobusak (G1, G2) abiatu dira, baina etenda daude, errepideak itxita daudelako; Areizagakoek (A1, A2), aldiz, zerbitzuak eten dituzte.
- Eskolak, orokorrean, ireki egin dituzte, nahiz eta irakasle batzuk ezin izan duten iritsi. Ereñotzuko Txirrita eskola izan da klaseak bertan behera utzi dituen bakarra.
- EHUk jakinarazi du, klaseak bertan behera utzi dituela, behintzat, arratsaldeko 15:00ak arte.
- Urumeako autobian, Andoaingo norabidean istripua izan da, eta auto-ilarak sortu dira. Donostiarantz, aldiz, normaltasunez dabiltza kotxeak.