Gipuzkoa, Bizkaia eta Arabako udaletako eta Foru Aldundietako langileak deitu dituzte gaur ELA eta LAB sindikatuek, zerbitzu publikoen alde, lau orduko lanuzteak egitera.
Astigarragako Udal Langileen Batzarrak deialdiarekin bat egitea erabaki du, eta gaur, goizeko 11:00k aldera, elkarretaratzea egingo dute udaletxe aurrean. Lanuztea 15:00ak artekoa izango da.
Hiru aldarrikapen, zerbitzu publikoak hobetzeko
Sindikatuek hiru eskaera egin dituzte, lanuztearen deiarekin: zerbitzu publikoak defendatu eta garatzea, pribatizazioak geldituz; behin-behinekotasun tasa %36tik %6ra jaistea; eta negoziazio kolektiboaren eskubidea bermatzea. Lan eskaintza publikoak deitzea eta suntsitutako enplegua berreskuratzea ere eskatu dute.