Dozenaka haur jaioberri erroldatuko dituzte gaur, salto eta dantza artean

Doinu ezaguna izango da gaur, herriko kaleetan entzungo de­na: iñude eta artzaien kon­par­tsa aterako da, Sandiusterritik, goizeko 11:45etan. Elkano kale­ra jaitsi, eta Plazan sar­tuko dira iñudeak, artzaiak, danborre­ro­ak, apaiza, alkatea, medi­ku eta erizainak, saltzaileak...
Bertan eskainiko dute au­rre­neko dantza saioa. Gero, An­dre­kaletik Plaza Berrira jaitsi, be­rriro dantzatu, eta Zinkoe­ne­an egingo dute hurrengoa, Kale Na­gusitik jaitsita. Saltoka abia­tuko dira Izpizua kalean gora, eta Plaza Berri parean dan­tza­tu­ta, Kale Nagusitik sartuko dira Plazara. Orduan izango da, ekitaldi nagusia.
Haur jaioberriak dantzan eramango dituzte iñudeek, me­diku eta erizainenera au­rr­e­­na, txertoa jartzera; eta al­ka­tearen aurrera ondoren, Uda­lean erroldatzeko. Horrela, do­ze­naka haur jaioberri errol­da­tuko dituzte Hernanin, gaur.

Eguraldia lagun, gaurkoan
Otsailaren 4an zen atera­tze­koa, hasiera batean, iñude eta artzaien konpartsa. Baina egu­raldi txarragatik, atzeratu egin zuten azkenean. Behin inau­te­riak pasata, gaur egingo dute, eta dirudienez, eguraldi ede­rra­­rekin. Festa borobila izango da gaurkoa, ikasturte oso­­an zehar prestatu dutena.