‘Baskavigin’ dokumentala gaur, Biterin

Drama historikoko doku­men­tal bat jarriko dute gaur, Bi­te­rin: Baskavigin, euskal baleaza­leen sarraskiari buruzkoa.

Arratsaldeko 19:00etan ha­siko da, eta 70 minutuko ira­u­pena dauka. Sarrerak, Biterin bertan daude salgai, 4 euroan.

2016an estreinatu zuten do­ku­mentala, Donostia­ko Zine­­mal­dian. Jón Laerdi Gud­mun­ssonen kontaki­zu­ne­tan dago oinarrituta. Aitor Aspek zuzen­du zuen, eta zazpi tokitan gra­ba­tu zuten: Pasaian, Oñatin, Ezkion, Laguardian, El puerto de Santa Marian, Islandian eta Inglaterrako Chichesterren.

Gertaerak, 1615eko udaran
1615 urtean gertatu zen, do­ku­mentalak konta­tzen den sa­rraskia. Ekainean, 86 baleazale abiatu ziren Donostiatik, Islan­diako iparraldeko itsasora, eta balea ehiza arrakastatsua izan zuten. Baina egun horietan, hainbat liskar eta lapurreta izan ziren, euskal baleontzien eta Islandiako herritarren arte­an, eta Jón Grímsson apaizak eta Ari Magnússon magis­tra­tuak, haien kontrako erasora deitu zituzten herritarrak. Gai­nera, iraila bukaeran, ekaitz gogor batek beraien ontziak txikitu zituen, eta Donostiara bueltatu ezinik geratu ziren.

Islandian harrapatuta eta jatekorik gabe, ihes egiteko saiakera hasi zuten balea­za­le­ek, baina soilik gogorrenek eta argienek lortuko zuten handik bizirik ateratzea.