«Ezin gara bueltatu, agortuta dauden bideetara»

Independentismoa oinarri hartuta, hitzaldia eskainiko du gaur Unai Apaolaza pentsa­la­riak, Kontrakantxa gazte­txe­an: Independentismoa berritzen. Arratsaldeko 19:00etan izango da, Hernaniko Sortuk antola­tu­ta. Botako dituen ideien au­rre­rapen bat egin dio Apao­la­zak, Kronikari.

Independentismoa berritzen jarri diozue izenburua. Zein izango da saioaren muina?
Independentismoa nik nola planteatzen dudan azalduko dut aurrena, eta zein gabezia dituen. Independentismoa, es­ta­tua sortzeko estrategia mo­dura ulertzen dut. Era asko­ta­ra planteatu daiteke estrategia hori, eta azken urteotan, aber­tzaletasunaren bitartez egitu­ra­tu da; hori kritikatzen dut, eraginkortasunaren izenean.

Zein eboluzio izan du euskal independentismoak?
Orain momentu berezi batean gaude. Independentismoa uler­tzeko modu bat bukatu zen, eta trantsizio fase batean sar­tu ginen. Baina orain, ezer be­rri­rik sortu ez dugunez, lehen­go­ra bueltatzen ari gara, agor­tu­ta dauden bideetara. Eta ezin dugu hori egin, erakusten du erresistentzia hutsarekin kon­for­matzen garela, onartu du­­gu­la ezin dugula helburua lortu.

Eta zein ibilbide ikusten diozu independentismoari?
Euskal Herriak izugarrizko po­tentzialtasuna dauka, 60 urte­tan egin den lanari esker. Mo­nagillo herria zena, Europan gehien radikalizatu daitekeen herri bihurtu da, eta hori se­ku­­lako altxorra da. Indepen­den­tis­tak sortzera bi­de­­ratu behar dugu estrategia. Alder­die­kin hitzarmenak sina­tzeak ez du fruiturik emango, indepen­den­tismoak herrita­rra behar du izan. Prozesu inde­pen­den­tista jarri behar da mar­txan, independentistak sortzeko, eta ez alderantziz.