Egitasmo berezi bati emango diote hasiera, bihar arratsaldean, Hernaniko Udal Liburutegian. Saio Linbikoak deitu dituztenetan, aurrenekoa egingo dute, 19:00etan hasita.
Eneritz Furyak musikariak eskainiko du lehenengo saioa, eta beste bi saio ere izango dira: martxoaren 23an bigarrena, Borja Estankonarekin; eta apirilaren 26an, Rafa Ruedarekin. Saio horietan, uztartuko dituzte musika, literatura, emozioak...
Gazteei zuzendutako saioak izango dira hiruak, 14 urtetik gorakoei, zehazki. Biharko saioan, bizitzaz, sorkuntzaz, amodioaz... ariko da Furyak.
Saio Linbikoak direla eta, liburutegiko haur saila itxita egongo da arratsalde osoan, jakinarazi dutenez.