Kulturari buruzko hausnarketa, gaurtik

Hernaniko kulturaren ingu­ruan, hausnarketa prozesua abiatu du Udalak, eta hiru saio aurreikusi dituzte horre­ta­ra­ko. Gaur bertan izango da aurre­nekoa, arratsaldeko 19:00etan hasita, Biterin.
«Hernanin, kultura dina­mi­ka zabala, bizia eta haun­dia dago. Dinamika haun­di­koa izanik ere, hausnar­ke­ta­ra­ko tarte bat hartzea apro­po­sa iruditu zaigu, eta horre­ga­tik jarri dugu martxan prozesua», azaldu du Udalak. Eta aditzera eman du, urritik hona, «herri­ko 50 eragile baino gehiagoren iritziak eta pertzepzioak» jaso dituela, egungo egoeraren be­ha­rrak biltzeko. «Orain, lan hori partekatu eta elkarrekin landu nahi ditugu, hurrengo urteetarako politikak zehaz­te­ko», azaldu dute.

Kulturaren diagnostikoa, aurreneko saioan
Prozesu hori aurrera erama­teko, kulturaren diagnostikoa egitea izango da aurreneko sa­ioaren helburua. Egungo egoe­raren diagnostikoa kon­par­titu, osatu eta adostuko dute bertan, eta identifikatuko di­tuzte Hernanik kultur arloan dituen indarguneak eta hobe­tzeko arloak.

Bigarren saioa, martxoa­ren 7an egingo dute, ordu eta toki berean; eta bertan, diag­nos­tikotik abiatuta, etorkizu­ne­rako erronkak eta helbu­ru­ak definituko dituzte. Horrela, hizpide izango dituzte progra­mazioa, sormen-politikak, azpi­egiturak, koordinazioa, euskera eta genero ikuspegiak, edota kolektibo esopzifikoen beha­rrak, besteak beste.

Eta hirugarren saioa, mar­txoaren 19an egingo dute, biga­rrenean zehaztutako helbu­ru­ak gauzatzeko ekintzak landu eta lehenesteko.

Ekarpenak egiteko aukera, emailez edo webgunean
Saio guztiak irekiak izango dira, eta herritar eta kultur eragile guztiei luzatu diete gonbitea, bertaratu eta ekar­pe­nak egiteko. Edozein kasu­tan, ekarpenak egiteko beste bi bide ere jarri dituzte aukeran: erabaki.hernani.eus/kultura web orrian sartu, edota idatzi mezua emailez, kultura@her­nani.eus helbidera.