Astiko Aterkiak bezeroen eskura, merkatari elkarteak

Astiko Astigarragako Mer­ka­tari, Ostalari eta Zerbitzuen Elkarteak Astiko aterkiak jarri ditu herriko merkataritza eta ostalaritza bezeroen eskura. Egun eurtitsuetan Astiga­rra­gako merkataritza establezi­men­duetan erosketak egitea edota ostalaritzan kontsu­mi­tzea errazteko Astiko aterkiak eskainiko zaizkie bezeroei.
Aterkiak Astiko Elkarteko establezimenduetan egongo di­ra bezeroen eskura behar dituz­tenean erabili ahal iza­teko; behin aterkia erabilita, berriz ere Astiko Elkarteko esta­blezimendu batetara buelta­tu­ko dira aterkiak. Astiko El­kar­­teko bazkideak eurak izan dira kanpainari hasiera eman dio­tenak aterkiekin ateratako tal­de argazki batean.

‘A! Astigarraga dastatu!’
2017an Astiko Elkarteak he­rriko merkataritza eta ostala­ritza promozionatzeko abian jarri­tako A! Astigarraga das­tatu! Saborea Astigarraga! kan­pai­nari jarraipena ematen zaio ekin­tza honekin. Kanpainaren helburu nagusia Astigarragan bertan dagoen merkataritza, ostalaritza eta zerbitzu esta­ble­zimendu aukera zabala ezagu­tzera eman, eta bertan kontsu­mitzearen garrantzia azpima­rratzea da, horretarako kan­pai­naren baitan ekintza desber­dinak burutu direlarik (besteak beste Astigarragako gida ko­mer­tzial eta turistikoa kaleratu zen 2017ko irailean).
Ekintza honek, Eusko Jaurlaritza eta Astigarragako Udalaren babesa jaso du.