Gainezka egin du Urumea ibaiak hainbat tokitan, bereziki, Hernanin. Florida auzoa eta Zubiondo poligonoa lotzen dituen tunela itxi egin du Udaltzaingoak, baita Urnietako bidegorritik dijoana ere. Hasiera batean, eguerdiko 12:00ak arte iragarri zuen Euskalmetek abisu horia, baina azken orduotan luzatu egin dute arratsaldeko 18:00ak arte; euria etengabea egitea espero da ordura arte.
Ondorioz, bestelako gertaerak ere izan dira, besteak beste, bi txakur atera dituzte suhiltzaileek erriberako etxalde batetik.