Igandean egin zuten Urnietan, Salesiarren ikastetxeak antolatuta, On Bosko krosa. Eta aurreko edizioetan bezala, asko eta asko izan ziren, parte hartu zuten hernaniarrak.
Krosean, 73 partehartzaileetatik 19 izan ziren Hernanikoak; eta ipar martxan, 50 lagunetik 14 ziren hernaniarrak.
Baina partehartzean bakarrik ez, aurreneko postuetan ere izan ziren protagonista, eta podiumera igo ziren 12etatik, zazpi ziren hernaniarrak.
Korrika, Eva Esnaolak irabazi zuen, eta bigarren izan zen Ana Megias, emakumezkoetan. Gizonezkoetan, berriz, hirugarren sailkatu zen Ibai Alba; Raul Gomez lasartearrak irabazi zuen. Ipar martxan, berriz, Marijo Villalbak irabazi zuen emakumezkoetan, eta Arantxa Astigarraga izan zen bigarren. Eta gizonezkoetan, Agustin Urretabizkaia nagusitu zen, eta hirugarren izan zen Pepelu Madina.