Tratu Onen Hernani osatzen ari da, Arremanitz

Datorren larunbaterako, otsai­­laren 24, pintxo-tertulia an­tolatu du Arremanitz Koo­pe­ratibak, 10:00etatik 13:30e­tara, Biterin.

Bertan, azken hilabeteetan egindako lanaren emaitza den Tratu Onen Mapa aurkeztuko du, horretarako lanean aritu­ta­ko eragile parte-hartzaileen bizipen eta ametsak eza­gu­tzeko aukera izango da, eta az­kenik, pintxo-tertulian nolako Tratu Onen Hernani nahi den pentsatu eta eztabaidatzeko au­kera izango da. Parte­har­tzea irekia da, eta animatzeko dei egin dute.

Harremonak-etik, Tratu Onen Herrira
Arremanitz Kooperatibak ur­te­ak daramazki Hernanin, Harremonak proiekturarekin, tratu onen lanketa egiten. Ba­tez ere, hezkuntza komu­ni­ta­te­an aritu da, baina baita bes­te eragile batzuekin ere.

Horrela, Tratu Onen Kul­tu­ra herri mailan zabaltzeari ekin dio. Hernani bizitzeko leku on bat izateko, dagoeneko egiten diren lan asko aza­leratu eta ikusgarri egin nahi izan ditu, eta hainbat era­gi­lerekin lanean aritu da horre­ta­rako, azken hilabeteetan; hala nola, BiziOn, Gaztelekua, Hezk­untza Plataforma, Bil­gu­ne Feminista edota Kronika­rekin. 

Egitasmoa herri osoari za­bal­du aurretik, proba txiki bat egin nahi izan dute eragile ho­riekin, eta orain, eragile horien esperientziak ezagu­ta­razi, eta herritar eta eragile gehiagok parte hartzea da helburua.