Aurreneko proba gainditu zuen atzo Hernaniko nesken Maialen traineruak.
Inoiz Euskal Herrian egin den estropada jendetsuena izan zen atzoko Oriako Traineru Jaitsiera, bere 24garren edizioan, eta emakumezkoen 20 traineruren artean 10garren egin zuen Hernanik. San Juanek irabazi zuen, 4.000 metroak 14:26,84ko denboran eginda. Atzetik sartu ziren, Orio A, Arraunlagunak, Hibaika, Hondarribia, Deustu, Campello-Alicante, Donostiarra, Kaiku, eta minutu eta 10 segundura, Hernani.
Batelik ez, gaur
Gaur, berriz, Gipuzkoako Batel Ligako bosgarren jardunaldia zen jokatzekoa. Baina Gipuzkoako Arraun Federazioak azken orduan jakinarazi du bertan behera geratu dela.