Ioritz Goizueta astigartarrak Baratzea balkoian saioa emango du bihar, Biterin, AEK euskaltegiak antolatutako Zilegi Eskolen barruan. Bi saioetako bat aukeratu ahal izango da; goizeko 09:30etakoa edo arratsaldeko 18:30etakoa. Debaldekoak dira biak, baina izena eman behar da aurretik, zilegieskola@aek.eus helbidera idatzita edo 663 04 33 14 telefonora deituta. Saioak teoriko-praktikoak izango dira, eta besteak beste, ondorengo gaiak landuko dira: haziak, landareak, ongarriak, izurriteak, balkoian baratza jartzeko aholkuak...