Ostiral iluntzean banatu zituzten Inauterietako mozorro onenen sariak, Udalak eta Jai Batzordeak.
Azken hau adi-adi ibili da Inauterietan, kalean ikusten zituen ikuskizun eta burutazio eroei segika. Argazkiak egin, eta asteazkeneko balorazio bilerara eraman zituzten batzordeko kideek, mozorro onenak zein ziren erabakitzeko.
Batetik, Ingalaterrako erreginaren pare, Royal Ascot zaldi karreretan ibilitako emakume talde elegantea saritu dute, eta bestetik, autotxokeetan elkarri zirika ibilitako lagun-taldea.
Horrela, Berriak elkarteko dendetan gastatzeko 50 euroko bina bale, hau da, 100 euro, jaso du opari talde bakoitzak, Hernaniko Udalaren eskutik. y