Errefusaren azken edukiontziak jarri zirenetik urte erdia pasa den honetan, Udal Gobernuak azaldu du «premiazkoa» dela, «bizilagunek sistemaren inguruan dituzten kezkei erantzuna ematea».
Horretarako, datorren astean San Marko Mankomunitatearekin bilduko dela jakinarazi du.
Maiztasuna, itxitura arazoak eta zabor pilaketak, aztergai
Bilera horretan, «gure herriko biztanleek dituzten kezkak eta arazoak konpontzen» saiatuko da Udala, San Markorekin batean.
Batetik, «bilketa maiztasuna nahikoa oten den aztertuko» dute, eta horrez gain, «organiko eta errefusaren edukiontzietan dauden itxitura arazoak konpontzea» izango dute helburu.
Era berean, Udalak Mankomunitateari eskatu dio «berraztertzeko Zubigain 12 edukiontzi puntuaren kokapena». Izan ere, Udalak dio «gertatzen den zabor pilaketaren ondorioz, bertako bizilagunak kexa» direla.
«Denon ardura da herria garbi mantentzea»
«Geroz eta zagor gutxiago», edukiontzi puntuetan
Bestalde, Udal Gobernuak astigartarrak zoriondu egin nahi izan ditu, «gero eta zabor gutxiago agertzen delako edukiontzi puntuetan, batez ere, beste herri batuzekin alderatuta», azaldu du.
Horrekin batean, gogorarazi du «guztion ardura dela herria garbi mantentzea, eta, horretarako, ezinbestekoa dela hondakinak sailkatuta biltzea eta behar den bezala, dagozkien edukiontzietara botatzea».