Gaur jokatuko da Euskal He-rriko Eskolarteko Bertsolari Txapelketaren barruan, Gipuzkoako aurreneko kanporaketa. Zestoan izango da, Lau Iturri elkartean, 20:00etan hasita, eta bertan kantatuko du Iker Ormazabal hernaniarrak. Aurrez aurre izango ditu aurreneko saio honetan Imanol Albizu, Malen Elizasu, Maide Garmendia, Oihana Labiano eta Bittor Zubiagirre.
Kanporaketak ostiralero jokatuko dira, eta Ekain Tolaretxipi etxean estrenatuko da: Ereñotzun kantatuko du martxoaren 9an.
Abra saria bigarren, Mujika
Getxoko Abra sarietan, bestalde, ez da hernaniarrik falta izan. Aroa Arrizubieta gasteiztarrak jantzi zuen txapela, baina bigarren sailkatu zen Beñat Mujika hernaniarra. Atzetik, berriz, Lurdes Ondaro, Mikel Lasarte, Kerman Diaz eta Ander Ucelay geratu ziren, lanak ondo baino hobeto eginda, denak ere.
Omenaldia, biharkoan
Hernaniko Bertso Eskolak urtetan egindako lana ageriko da, eta hori omendu nahi izan zuen Udalak atzo. Biharko Kronikan emango da horren berri.