Innpalaren finalean ezin, Goikoetxeak

Bi zita garrantzitsu izan zituzten palista hernaniarrek, joan den asteburuan. Ostiralean, Innpalaren txa­pelketako finala jokatu zuen Miren Goi­ko­e­txeak, Zubietako Miren Arri­lla­garekin batera, Erasun eta Larrarteren kontra. Baina ezin izan zuen txapela ekarri, eta 22-30 galdu zuen.
Beste zita inportantea, Eus­kal Herriko Irekia Txapelketa­ren hasiera izan zen. Lautik bi irabazi dituzte hernaniarrek: Goikoe­txeak berak, Eiz­men­direkin, 30-21 Au­ña­men­­di­ri, eta, Ira­zus­ta­ba­rre­nak, Men­diza­bale­kin, 30-25 Erre­kaleorri. Ekiñe Ba­lerdik eta Garazi Urdan­ga­rinek, aldiz, galdu egin zuten Olarreta­ren kon­tra (20-30) eta Alaitz Te­je­do­rrek ere bai, Era­sunekin, Erre­kaleo­rren kontra (20-30).

Oiartzunen ere, ondo
Bestalde, Amaia Irazusta­ba­rre­na eta Aritz Murgiondo Oiar­tzungo mutilen pala txapelketan hasi dira, bikote mistoa osatuta, eta ondo baino hobeto gainera, 25 eta 24 irabazi baitute aurreneko partidua.