Inauteriak pasata, musikak jarraituko du Astigarragan aste honetan zehar. Kaldereroez aparte, izango da euskal erritmoez gozatzeko beste aukera bat. Norberto Almandoz musika eskolak eskainiko digu aukera hori; beren trikitixa eta panderoko ikasleen eskutik.
Etzi, arratsaldeko 19:00etatik aurrera entzun ahal izango dira doinu horiek, musika eskolako areto nagusian.
Herritarrak gonbidatu ditu musika eskolak berak, beren ikasleekin gozatu dezaten. Sarrera debalde izango da, denontzat.