Martxoaren 8a gerturatzen ari dela-eta, talde feminista bat sortzeko ideia bururatu zaio astigartar emakume talde bati, eta horretan lanean hasiak dira. Horretarako, bilera irekia antolatu dute biharko; Kultur Etxean izango da, arratsaldeko 19:30etan hasita.
Indarra sortu eta haunditzea, helburu
Emakume taldeak adierazi duenez, asmoa da «indar hau sortu eta haunditzen joatea». Hori dela eta, Astigarragako emakumeei egin diete deia: «Eta Astigarragako emakumeok*, zer? Prest al gaude herrian gure indarra zein eta nolakoa izan daitekeen erakusteko? Prest al gaude gure eskubideengatik borrokatzeko?», luzatu diete galdera bidez.
Martxoaren 8an, «planto»
Taldea sortzeaz aparte, martxoaren 8a ere izango dute hizketagai. «Aurten ere gerturatzen ari zaigun martxoaren 8 honetan, planto egiteko garaia dugu, indarkeria matxistari, esplotazioari eta diskriminazioari nahikoa dela esateko», aldarrikatu dute.