Inauteriak pasata, dagoeneko ohitura bihurtu da Astigarragako Kaldereroen irteera, hurrengo asteburuan izatea. Horrela bada, zartagiak hartu, hungariar jantziak soinean jarri, eta kalera aterako dira astigartar asko eta asko, abestu eta dantzatzera.
Horretarako, Ergobian jarri dute zita arratsaldeko 17:30etan, eta ez 19:30etan, agendak dioen bezala.
J. Barandiaran plazan, bukaera
Ohi bezala, taldeko argazkia aterako dute abiatu baino lehen, eta ondoren hasiko dira zartagiari eragiten. Musikaren eta Kaldereroen kantuen erritmoari jarraituz joango dira pixkanaka Astigarragarantz, Joseba Barandiaran plazan bukatu arte.
Ekitalditxoa egingo dute bertan, eta hori bukatuta, afaria izango dute Zipotza elkartean, aurrez izena eman dutenek.