Azaroan hasi zen euria eta aspaldian egon den negurik euritsu eta gogorrenetakoaren ondorioak jasaten ari dira aurtengo inauteriak. Gaur arratsalderako haize ufada haundiak eta euri asko espero da, eta ezin denez bermatu Circo Los zirku ikuskizuna baldintza egokietan egitea bertan behera geratu da.
Hala ere egongo da festarako aukera. Protagonista nagusiak karrozak izango dira. Eguerdian, 12:00etan, irtengo dira Urbieta kaletik eta herria kolorez jantziko dute.
Ttarla dantza taldeak eta Inmakulada ikastetxeak prestatu dituzte aurten ere, karrozak, eta eguerdira arte itxaron beharko da, zein sorpresa prestatu duten ikusteko. Txarangak eta trikitilariak ez dira faltako. Zikuñagako mozorro lehiaketa, 17:30etan, eskolan egingo da.
Eguraldiak tregoa eman zuen
Atzo gutxienez eguraldiak tregoa eman zuen goizetik aurrera eta iragarritako ekitaldi guztiak bete ziren. Hori bai, goizean oraindik giroa ez zen berotu, baina arratsalderako jende asko ikusi zen mozorrotuta eta nabaritu zen jendearen joan etorria.
Atzoko egunak utzitako argazkiak ikusteko egin klik hemen.
GAURKO EGITARAUA
- 11:30: Inauterietako txaranga.
- 12:00: Konpartsen irteera Urbieta kaletik: Ttarla dantza taldea eta Inmakulada ikastetxea.
- 17:30: Mozorro lehiaketa Zikuñagako eskoletan.
- 18:30: Inauterietako txaranga.
- 19:30: ‘Hernani’ Musika Eskola Publikoko trikitilariak.