Igandearekin tokatu da aurtengoan, Santa Ageda bezpera eguna, eta horrela, aurten, ilundu baino lehen, eguerdian atera ziren goizuetarrak Santa Ageda errondan.
Tabernan ez ezik, eguzki izpi apurrak aprobetxatuta, kaleak ere goxatu zituzten igandean, eta ederki erantzuten zieten abesbatzak, Olaia eta Janireren trikiti eta pandero doinuei eta Juanan Lekuona eta Josu Garmendiaren koplei. Eguna borobiltzeko, bapo bazkaldu zuten, Oxeguardan.