Partidu estua jokatu zuten Olaizola II goizuetarrak eta Imazek pasa den larunbatean, eta azkenean, Ezkurdia eta Zabaleta izan ziren garaile, puntu bakarreko aldearekin; 22 eta 21.
Hala ere, gertu dauka goizuetarrak Binakako Txapelketako finalaurrekoetan sartzeko aukera, eta hori horrela, gogor ariko da lehian bikotea, gaur, 18:00etan Iruñeako Labrit pilotalekuan, Irribarria eta Jaunarenaren kontra. Izan ere, puntu garrantzitsua irabazi baitezakete; honekin sei pilatuko lituzkete, eta finalaurrekoetara asko gerturatuko lirateke. Aurkariek, ordea, bosgarren puntua eskuratzea beharrezkoa dute, finalaurrekoetarako aukerarik gabe ez geratzeko.
Pilota arinagoak, Asegarcekoek
Pilotak asteazkenean aukeratu zituzten; Olaizola II eta Imazek arinagoen alde egin zuten: 104.4, 104.9 eta 104.8 gramo. Aurkariek, berriz, 105.4, 105.3 eta 105.5 gramotakoekin geratu ziren.