Iraupen eskia egiteko plana antolatu du Mundarrok, bi aste barru, otsailaren 24 eta 25eko asteburuan: Somporteko iraupen eskiko zentrora joango dira. Familia osoarentzako plana da Mundarrok prestatu duena, eta datorren ostegunera arte dago izena emateko aukera: kiroldegian, edota emaila idatzita kiroldegia@astigarraga.eus helbide elektronikora. Ostiralean, bilera egingo dute, irteeraren xehetasunak zehazteko.
Helduentzat, forfaita 8 euro izango dira, eta materialaren alokairua 9 euro. Haurrentzat, berriz, 6,5 euro izango dira. Familientzako prezio bereziak izango dira, azaldu dutenez, eta albergea hartzeko aukera ere badago. Bertara joateko, hala ere, kotxe partikularretan egingo dute bidaia.