Eibarren kontra Zubipen, jaitsiera postuetatik ateratzeko puntuen bila

Futbol partidu gutxi izango dira asteburu honetan, baina CD Hernanik jokatuko dituen gehienak, Zubipen izango di­ra. Talde nagusienen artean, Ohorezko Mailako erregio­na­lek eta Ohorezko Maila na­zio­­naleko jubenilek soilik joka­tu­ko dute; biek Zubipen.
Erregionalena izango da aurrena, 16:00etan hasita; eta Añorga hartuko dute, igoe­ra­ren lehian jarraitzeko. Izan ere, liga erdipurdi hasi ondo­ren, bikain ari dira herna­ni­a­rrak orain, eta bigarren pos­tu­ra igo dira. Kontua da, Ordi­zia sei puntu gehiagorekin dagoela, partidu bat gutxiago jokatuta. Beraz, huts egiteko ia aukerarik ez daukate txuri-berdeek, igoera zuzeneko pos­tu hori borrokatu nahi badute.
Jaitsiera saihestea da, al­diz, jubenilen borroka. Eta horre­tarako puntuen bila aterako dira 18:00etan, Eibarren kon­tra. Seigarren sailkatua da tal­de eibartarra, eta beraz, par­­ti­du zaila izango dute herna­niarrek. Baina garai­pe­naren bila aterako dira, pun­tuak pi­latu beharra baitau­ka­te, jai­tsi­era postuetatik ate­ra­tzeko. Oraintxe, hiru puntura dago, salbaziorako langa.
Beste bi partidu ere joka­tu­ko dira Zubipen, gaur ber­tan. Goi­ze­ko 10:00etan, Dane­na har­tu­ko dute neska jube­ni­lek, Kopan; eta 12:00etan Añorga, mutil kadeteak.